Mwen te joure papa m paske li renmen bay twòp. Papa m aprann mwen yon leson.

Mwen te reproche papa m yon jou. Mwen te di papa m li se yon enbesil paske li renmen bay twop. Papa m bay sa l pa posede. Pou mwen, se bagay moun sòt, moun egare.

Ou deja pa genyen ase pou ou, epi pou w pwan ti sa w genyen an w ap fè kado li. Ou egare!

Papa m te reponn mwen:

"Pitit mwen, sel sa m konnen, pou brimad mwen pwan nan lavi m, mwen poko janm malad kouche depi m fèt. Mwen pa konn pouki rezon, ni pouki pa rezon, men, mwen pap janm sispann bay. Mwen pap janm sispann ede moun ki bò kote m."

Papa m gen 87 lane. Li fè 6 lane prizon sou Duvalier. Non li enskri pami moun ki mouri yo. Men li la pi rèd.

Papa m poko janm malad kouche.

Eske se paske li renmen ede moun, mwen pa konnen.

M ap fè anpil efò pou m ka rive mwatye moun li ye a.

Bondye di: Mwen moutre nou ki jan pou nou travay pou nou ka ede sak pi fèb yo... Gen plis benediksyon pou moun k ap bay pase pou moun k ap resevwa.

Mèsi Bondye.

Mèsi Papa.

Actes des Apotres 20:35
Li Bib la en Kreyol http://www.fouyebible.com/bibla/bbN/kreyol/20/35

Write a comment

Tags: Religion, Newsletter

You might also like

• Bib la di obeyi otorite etabli, men l pa di tout moun ki gen foli chèf se sou ou pou yo vinn chef
• Bon konsèy pa janm gaspiye Mete l labank!
• Madichon pou bann Ayisyen foli chèf sa yo, move gadò ki lage mouton seyè y an debanday

Return to Articles List