Men ki jan pou w rekonèt ke Bondye beni ou

Bondye bay chak moun libète pou yo deside. E se poutèt sa, pafwa, li tann ou wè si ou konnen ou beni. Si ou pa konnen ou beni, ki objektif plis benediksyon ka sèvi?

Men ki jan pou ou konnen ou beni:

Chak jou, lè ou reveye, kòmanse priyè w pa remèsye Bondye pou chak bagay ou konsidere kòm yon benediksyon nan lavi ou. Menm ti bagay piti yo, resanse yo:

Mèsi Bondye pou lè a ke mwen respire.

Mèsi Bondye pou bèl pitit ou ban mwen yo.

Mèsi Bondye pou kay la map domi andadan l lan.

Mwen te pase yon bòn nwit yèswa. Mèsi pou sa. Mwen rekonesan.

Epi ... Epi ... Jiskaske ou pa gen okenn lòt bagay ke ou ka remèsye Bondye pou li.

Lè ou kòmanse konte benediksyon ou yo, lè ou remèsye Bondye pou chak grenn bagay, ou va reveye chak jou ak konesans ke Bondye ap beni ou, ke Bondye beni ou deja, epi ou ta dwe rekonesan.

Lè saa w a di ak lafwa:

Tout lwanj lan se pou Bondye. Paske, ak pouvwa k'ap travay nan ou an, li kapab fè pi plis pase tou sa ou ka mande, pi plis pase tou sa n
ou ka mete nan lide w.

Ephesiens 3:20 - Bib la en Kreyol http://www.fouyebible.com/bibla/bpN/kreyol/3/20

Write a comment

Tags: Religion, Newsletter

You might also like

• Lejou Ayisyen sispann aji tankou kadav, votou yo pwal pawoze lot kote
• Ayisyen gen dwa pou l viv nan onè ak diyite, wol leta, kisa Bib la di
• How to recognize that God has blessed you.

Return to Articles List