W ap travay di, lè pou ou pran plezi - Pifò kretyen ayisyen panse se peche si w pran plezi w nan lavi. Se vre?

Lavi a ranpli ak plizyè sezon ak tout sot de emosyon. Gen moman pou w serye epi pou kè w kontan an menm tan. Menm jan gen moman ou gen dlo nan je w, tèt ou chaje, w ap reflechi, gen tou moman tou, fok ou griyen dan w, fok ou selebre.

Bib la ankouraje nou pou nou ka konprann sa: Jwi lavi ak pran plezi se yon pati natirèl nan egzistans tout moun k ap viv sou te a.

Men, sanble pifò pastè ak predikatè ayisyen yo konplètman inyore pati sa a nan Bib la epi yo konsantre sèlman sou syèl la ak lanfè.

Se poutèt sa pifò kretyen ayisyen, tout lavi yo, y ap fè eksperyans lanfè sou latè a selman. Yo espere rekòlte tout lajwa lè yo ale nan syèl la.

Ok... Se sa gason. w ap fe sik, wap fe tansyon, men ou pwal nan syel la. pa okipe w.

Imajine lavi tankou yon seri de chapit, chak chapit gen tèm pa yo. Eklezyas 3 vese 4 di nou gen yon chapit pou tout bagay -- yon tan lajwa, yon tan nan pou tristès.

Li enpòtan pou fè yon balans.

Pandan ke ou ta dwe yon granmoun responsab ak yon sitwayen ki respektab, ou gen dwa tou pou w jwenn bonè epi fè bel eksperyans lakontantman nan lavi a, sa pa gade m kisa pastè w la di.

Pran ti plezi w zanmi, griyen dan w, danse lè bagay yo bon nan men w.

Li Eklezyas 3:4
Li Bib la an Kreyòl
http://www.fouyebible.com/bibla/v7r/kreyol/3/4

Write a comment  (2)

Tags: Religion, Newsletter

You might also like

• Aprann anbrase Konesans ak Bon Konprann kòm konpayon Fidèl ou pou yon lavi miyò
• Nan moman pwoblem yo, le ou anvi bay vag, li enpòtan pou w sonje ke Bondye gen yon plan pou ou
• Ede moun san kondisyon, montre konpasyon ak senpati, ou pap regrèt sa

Return to Articles List

Comments (2)