Bondye toujou pare wi pou li mennen w nan chemen k ap pi bon pou ou a. Men se si w vle.

Bondye pare pou li ba ou tout zam ki pou mennen w nan chemen pwogrè, chemen bòn sante, chemen pwosperite, chemen richès.

Sel bagay, li kite pou se ou menm ki pou deside eske se la ou vle ale.

Li ba ou volonte pou w chwazi.

Si w trouve tèt ou nan chemen malè a, chemen maladi, chemen pwoblèm adwat agoch, chemen povrete, eske se pa desizyon w ap pwan yo ki mennen w la?

Ou ka reponn non men poze tet ou kesyon sa:

Konbyen fwa ou fè tout sakrifis ki nesesè pou w ka atenn yon objetif ki mande yon sakrifis ki pagen parey?

Konbyen fwa Bondye voye yon moun sou wout ou pou ba w bon konsèy, ou voye moun sa jete nan poubèl epi w kontinye fè menm tenten an?

Chak fwa pou w mete 10 kòb yon kote lajan ka fè pitit, pou w ta viv pi alèz demen, ou prefere al gaspiye kob saa nan yon ti plezi, yon griyen dan, jis pou ka santi ou byen pou 5 minit. Epi se bondye ki fe w pòv?

Olye w leve al mache pou 30 minit chak jou pou w ka jere sante w, ou prefere rete chita sou bèl sofa w, devan flat screen ou, w ap boure zèl poul. Epi se Bondye ki fè w malad?

Seyè a di: M'a louvri lespri ou sou anpil bagay. M'a moutre ou chemen pou ou swiv la. M'a ba ou bon konsèy.

Men, hmmm.... Seyè a pa di m'ap fè l pou ou!

Komisyon pa chayyy....

Psaumes 32:8
Li Bib la en Kreyol http://www.fouyebible.com/bibla/7pr/kreyol/32/8

Write a comment

Tags: Religion, Newsletter

You might also like

• Bon konsèy pa janm gaspiye Mete l labank!
• Pi fò Ayisyen vle grannèg men fok li fè yon kidnaping finansyèl, fok li deplimen Ayisyen ki bò kote l la
• Bib la di obeyi otorite etabli, men l pa di tout moun ki gen foli chèf se sou ou pou yo vinn chef

Return to Articles List