Inspirational Bible Verses and Quotes in English and Haitian Creole

Bib la di: "Si yon moun ap viv nan Kris la, li vin yon lòt moun. Bagay lontan yo disparèt, se lòt bagay nèf ki pran plas yo koulye a."

Tout giyon ou jwenn sou wout ou, se menm kalite giyon sa yo tout moun jwenn sou chemen pa yo tou. Men, Bondye pi fo. Bondye p'ap kite yo nwi w yon jan ki depase sa w ka sipòte. Lè giyon lage nan bouda w, la ba ou fòs pou ou ka sipòte l, pou nou ka soti anba li.

Ou paka chèf epi w gen foli chèf. Madichon w'ap cheche nan boudaw!

Mwen te reproche papa m yon jou. Mwen te di papa m li se yon enbesil paske li renmen bay twop. Papa m bay sa l pa posede. Pou mwen, se bagay moun sòt, moun egare.

Bib la di: Tout moun dwe soumèt devan otorite k'ap gouvènen peyi a. Mwen dakò. Men bib demokrasi a di se pèp ki dwe chwazi moun li vle mete kom otorite pou gouvènen peyi a.

Bondye pare pou li ba ou tout zam ki pou mennen w nan chemen pwogrè, chemen bòn sante, chemen pwosperite, chemen richès.

Lè ou bay yon moun bon konsèy, pa atann ke l ap tande sa ou di l la. Si se yon moun tèt di menm, yon rebèl, li ka ale kont konsèy ou ba li a epi fè sa l pat dwe fè a.

Pandan ke mwen rayi lè yon moun pran yon risk ki pa nan avantaj mwen, mwen rekonet tou ke si w pa pran risk ou pap janm rive kote w vle ale a.

Pi fò Haitiens vle grannèg, sa pa yon pwoblèm. Pwoblèm lan, fòk ou monte sou do yon lot Ayisyen parèy ou, fok ou deplimen l, fini avè l, souse tout ti kob li genyen ki deja pa ase pou li ak fanmi l, jis pou w atenn objektif granneg ou a.

Sa se pawòl granmoum toujou ap repete nan peyi Dayiti lè yap konseye yon moun tèt di ki refize tande larezon.