Bib la en Kreyol > Liv Job > Chapit 40
Nòt: Klike sou nenpòt vèsè, w ap ka li vèsè sa a an 3 lang... Kreyòl, Anglais, ak Fransè. Chwazi yon lot langaj nan menu a goch la si w ta vle li Job Chapit 40 nan lot lang la...
1 Seyè a pale ak Jòb. Li di l' konsa:
2 -Jòb monchè, ou menm ki t'ap kenbe tèt ak Bondye ki gen tout pouvwa a, ou p'ap kite pou li? Ou menm ki t'ap kritike Bondye a, ou vle reponn li koulye a?
3 Jòb reponn Seyè a, li di l' konsa:
4 -Mwen pa t' konn sa m' t'ap di. Kisa pou m' reponn ou? Se fèmen pou m' fèmen bouch mwen.
5 Mwen pale twòp deja. Mwen pa gen anyen pou m' di ankò.
6 Seyè a rete nan van tanpèt la, li pale ak Jòb ankò. Li di l':
7 -Koulye a, kanpe! Mete gason sou ou! Mwen pral poze ou keksyon, se pou ou reponn mwen.
8 Eske ou soti vre pou moutre se lenjistis m'ap fè ou? Se mwen menm ki antò, ou menm ou gen rezon?
9 Eske ou gen menm fòs avè m'? Eske vwa ou ka gwonde tankou vwa pa m'?
10 Si se konsa, kanpe non! Kenbe tèt ou byen dwat! Gade tout moun nan je! Mete chèf sou ou! Fè wè pouvwa ou!
11 Gade moun k'ap gonfle lestonmak yo nan je. Move sou yo! Kraze kouraj yo!
12 Wi. Gade yo nan je. Fè yo bese tèt yo! Kraze mechan yo la kote yo ye a!
13 Mete yo tout anba tè. Mare bouch yo tout nan twou kote mò yo ye a.
14 Lè sa a, mwen menm, m'a fè lwanj ou, dèske avèk pwòp fòs ou ou te rive kraze yo.
15 Gade gwo bèt lèd yo rele Beyemòt la. Se mwen ki fè l', menm jan se mwen ki fè ou. Se zèb li manje tankou bèf.
16 Tout fòs li, se nan ren l'. Tout kouraj li, se nan venn vant li.
17 Ke l' kanpe tankou yon pye sèd. Venn janm li yo fè boul.
18 Zo l' yo di tankou fè tiyo. Janm li yo tankou de bout fè.
19 Nan tout bèt mwen fè, se li ki pote premye pri. Se mwen ki kreye l' la sèlman ki ka fè l' bat ba.
20 Li manje zèb ki pouse sou mòn kote lòt bèt nan bwa ap pran plezi yo.
21 Li kouche anba raje. Li kache nan mitan wozo marekay yo.
22 Raje yo fè lonbray pou li. Pye sikren bò larivyè yo ap pwoteje l'.
23 Larivyè ap desann, sa pa di l' anyen. Larivyè Jouden gonfle rive wotè bouch li, li kè pòpòz.
24 Ki moun ki ka pete je l' pou mete men sou li? Ki moun ki ka pèse bwa nen l' ak yon fwenn bwa.
Haiti Bible Study / Etude Biblique Forum
- We will continue to pray for those others lost in the dark
- Bib la di, tankou ti bebe, fok nou chwazi bon dirijan tankou bon let san dekoupe
- W ap travay di, le pou ou pran plezi - Pifo kretyen ayisyen panse se peche si w pran plezi w nan lavi. Se vre?
- Not because you're going to church every week that's...
- Bib la di Sispann bay tet ou pwoblem pou mal yo fe w depi djab te kaporal
- Bib la di Bondye gen yon plan pou ou menm si de fwa ou pa we sa
- Nan lavi, giyon ak pesekisyon vini sou tout fom. Men Bondye pi fo
- Eske se Bondye ki fe chef k'ap dirije Haiti yo vinn pa vo anyen?
- As being the Sport regarding Airsoft evolves in...
- Aprann anbrase Konesans ak Bon Konprann kom konpayon Fidel ou pou yon lavi miyo