Bib la en Kreyol > Liv Som > Chapit 64
Nòt: Klike sou nenpòt vèsè, w ap ka li vèsè sa a an 3 lang... Kreyòl, Anglais, ak Fransè. Chwazi yon lot langaj nan menu a goch la si w ta vle li Som Chapit 64 nan lot lang la...
Pou chèf sanba yo. Se yon sòm David.
1 Bondye, tande non lè m'ap plenn! Pwoteje m' kont lènmi m' k'ap fè m' pè yo.
2 Pwoteje m' anba konplo mechan yo, anba gwo bann malveyan sa yo.
3 Lang yo file tankou razwa. Pawòl ki soti nan bouch yo se pwazon.
4 Yo rete kache, y'ap vize moun ki inonsan an. Yo tire sou li san li pa atann. Yo pa pè fè anyen.
5 Yonn ap ankouraje lòt nan fè sa ki mal. Y'ap rakonte jan yo mete pèlen pou lòt moun. Y'ap plede di: Ki moun k'ap wè nou?
6 Y'ap fè move plan, y'ap veye pou moun pa dekouvri yo. Sa ki nan kè yon moun ak nan lide li se mistè.
7 Men Bondye ap tire flèch li sou yo: Yo rete konsa, yo blese.
8 Se lang yo k'ap bat yo. Tout moun ki wè yo ap pase yo nan betiz.
9 Lè sa a, tout moun pral pè, y'a mache fè konnen sa Bondye fè. Y'a egzaminen tou sa li fè.
10 Tout moun ki mache dwat yo ap kontan tou poutèt sa Seyè a fè. Y'a jwenn pwoteksyon anba zèl li. Tout moun ki viv jan Bondye vle l' la va fè lwanj li.
Haiti Bible Study / Etude Biblique Forum
- important truth 4 haitians
- haitians want creole bibles
- Kek fwa nan lavi a fok ou re-envante tet ou, pran kek desizyon pou amelyore lavi w
- We will continue to pray for those others lost in the dark
- YES, YOU CAN BECAUSE I AM A MEMBER OF A SMALL HAITIAN...
- Bib la di: Aloufa yo ap devore peyi a, yo pa kite anyen pou pep la
- New Haitian Christian Site
- Video: Alleluia Beni Non Bondye
- Nan lavi, giyon ak pesekisyon vini sou tout fom. Men Bondye pi fo
- Bondye ap lage yon seri kout raso sou Haiti ak Ayisyen, se krev ke